容祖兒最近於網上常分享自己沉迷了Wake Surfing這項水上活動，今日（19日）她出席活動時候也分享了這件事情，「其實同工作冇乜關係嘅事情好少係我人生出現，工作以外嘅事都係為工作，突然之間今年見好多朋友玩，所以我就一心想睇下呢項活動嘅魅力所在係邊，咁就去嘗試下，其實真係好難，就有一種挑戰自己嘅心學識呢種活動，其實佢唔係好運動嘅活動，唔會令你點瘦，但呢樣係一個唔錯活動，可以同海接觸。」

而祖兒更自爆為了這項活動也不見了很多物品，其中一樣是電話：「我唔係玩緊時候跌落海，係我喺船尾時候睇人玩而跌落海，因為我部電話放咗船尾，而我唔知係有機會跌落海，我估唔到船嘅衝力會導致部電話跌落海。」問到電話很多私人資料怎麼辦？祖兒笑言：「我相信一百年後會有外星人執到。」

再問到祖兒會否去學潛水去尋找失蹤的電話？祖兒直言開始需要學：「學潛水想將海裡面嘅垃圾撈起來，經過今次颱風發現真係好多垃圾，真係覺得呢種震撼會問點解海會有咁多垃圾？」